U-21 Биринчилигининг 8-тури доирасида “Навбаҳор” ёшлар жамоаси “Пахтакор” меҳмони бўлиб, 1:3 ҳисобида мағлубиятга учради. Биз мазкур учрашувдан сўнг, ёшлар жамоамиз устози Раҳим Ғофуровдан қисқача интервью олиб, мағлубият сабабини билишга интилдик. Унинг фикрлари эса қуйидагича бўлди:

Аслида йигитлар яхши ўйин намойиш этишди. Аммо биринчи бўлимда 6 дақиқа ичида 2 та тўп ўтказиб юборишимиз шогирдларимга салбий таъсир ўтказди. Танаффусдан сўнг, футболчилар вазиятни ўнглашга интилишди. Бироқ мезбонлар стандарт вазиятдан яна бир марта унумли тарзда фойдаланиб, ҳисобни йириклаштиришди. Бу эса вазифамизни янада қийинлаштирди. Шундай бўлса-да, йигитлар учрашув якунига қадар, ҳисобни ўзгартиришга интилиб, битта гол уришга муваффақ бўлишди.

Шунингдек, мазкур баҳсда юзага келган вазиятлардан самарали тарзда фойдалана олмаслик ҳам шогирдларимга панд берди. Ушбу ўйиннинг таҳлил қилиб, бу камчиликларни бартараф этишга интиламиз.

“Навбаҳор” ПФК матбуот хизмати.