“Пахтакор” – “Навбаҳор” учрашувидан сўнг мезбонлар устози Шота Арвеладзе қуйидагича фикр билдириб ўтди.

"Қизиқарли ўйин бўлди. Икки етакчи жамоа майдонда баҳс олиб борди, хавфли вазиятлар, сариқ карточкалар ва голлар етарлича бўлди. Лекин ачинарлиси ушбу ҳафтада мана биз билан, “Барселона” ва “Аякс” билан ҳам бугунги ўйиндагидек вазият юз берди. Чемпионлар лигаси таъсири чоғи. Ачинарлиси, рақибда умуман дарвозамиз томон берилган аниқ зарбалар йўқ бўлиб турган вазиятда бироз бўшашдик. Нима ҳам қиламиз, чемпионат давом этади, осон ўйинлар асло йўқ. Ҳар бир ўйин ўзига яраша мураккаб кечмоқда. Муҳими – очко қўлга киритиш. Олға интилишда давом этамиз", - деди мутахассис.