“Paxtakor” – “Navbahor” uchrashuvidan so‘ng mezbonlar ustozi Shota Arveladze quyidagicha fikr bildirib o‘tdi.

"Qiziqarli o‘yin bo‘ldi. Ikki yetakchi jamoa maydonda bahs olib bordi, xavfli vaziyatlar, sariq kartochkalar va gollar yetarlicha bo‘ldi. Lekin achinarlisi ushbu haftada mana biz bilan, “Barselona” va “Ayaks” bilan ham bugungi o‘yindagidek vaziyat yuz berdi. Chempionlar ligasi ta’siri chog‘i. Achinarlisi, raqibda umuman darvozamiz tomon berilgan aniq zarbalar yo‘q bo‘lib turgan vaziyatda biroz bo‘shashdik. Nima ham qilamiz, chempionat davom etadi, oson o‘yinlar aslo yo‘q. Har bir o‘yin o‘ziga yarasha murakkab kechmoqda. Muhimi – ochko qo‘lga kiritish. Olg‘a intilishda davom etamiz", - dedi mutaxassis.