“Рома” ҳужумчиси Эсекиэль Понсе фаолиятини Россиянинг ЦСКА клубида давом эттириши мумкин. Бу ҳақида "Чемпионат" хабар бермоқда.
Манбанинг хабарига кўра, москваликлар жорий мавсумни АЕК сафида ижарада ўтказган 22 ёшли футболчини ижарага олишмоқчи. Жорий мавсум футболчи Греция чемпионатида 43та ўйинда 21та гол уришга эришди.
Шунингдек, АЕК ҳам футболчини сотиб олиш ҳуқуқига эга, аммо ҳозирча Греция клуби буни амалга оширмади. Футболчининг трансфер ҳуқуқи хамон “Рома”га тегишли ҳисобланади. Понсенинг “бўрилар” билан амалдаги шартномаси 2020 йил якунига етади. Унинг трансфер нархи тахминан 3 миллион еврога баҳоланмоқда.
