Ўзбекистон Суперлигаси 9-тур ўйинлари якунига етди. Ҳар доимгидек тур лауретларини эълон қилишда давом этамиз.
Stadion.uz талқинига кўра, Суперлига 9-турининг энг яхши дарвозабони деб "Сўғдиёнаг" посбони Милан Митрович топилди.
Митрович АГМКга қарши баҳсда жамоасининг жонига оро кирди. Милан “Сўғдиёна” дарвозасига белгиланган пенальтини қайтарди ва бир неча вазиятларда жамоасини муқаррар голлардан қутқариб қолди.
Қолаверса, у ўз дарвозаси даҳлсизлигини сақлаб қолди. Миланнинг ишончли ўйини туфайли “Суғдиёна” сафарда АГМКни мағлуб этишга эришди.
Маълумот учун, Милан илк бор сайтимиз талқинига кўра, тур дарвозабони деб топилди.
