Ўзбекистон Республикаси Президенти Шавкат Мирзиёев томонидан ёшлар маънавиятини юксалтириш мақсадида вазифа қилиб белгиланган 5 та ташаббус мамлакатимиз бўйлаб кенг қулоч ёйди.

Хусусан, иккинчи ташаббус “Ёшларнинг жисмоний чиниқиши ва спорт соҳасида ўз қобилиятини намоён қилишлари учун зарур шароитлар яратиб бериш”ҳамда Республикамизда эълон қилинган “Спорт ойлиги” вояга етмаганлар ўртасида содир этилаётган ҳуқуқбузарликлар, суицид ҳолатларининг барвақт олдини олиш, шунингдек ёшларнинг бўш вақтларини мазмунли ташкил этиш, уларда жиноятчиликнинг ҳар қандай кўринишига қарши иммунитетни шакллантиришда муҳим ўрин тутади.

Турнир якунига кўра 1-ўринни “Ёшлик”, 2-ўринни “Наврўз”, 3-ўринни “Тошлоқ” жамоалари эгаллади. Ғолибларга ҳомийлар томонидан диплом ва эсдалик совғалари топширилди.

Тадбир доирасида таниқли футболчи, Ўзбекистон миллий терма жамоаси аъзоси Сардор Рашидов иштирокида маҳалла ёшлари учун маҳорат сабоқлари ҳам ташкил этилди.

Жиззах шаҳридаги Тошлоқ маҳалла фуқаролар йиғинида ташаббускор ҳомий Зокир Мансуров томонидан қурилиб фойдаланишга топширилган мини-футбол майдони ҳам юқоридаги мақсадларга хизмат қилиши шубҳасиз.

Бугун, 24 май куни мазкур мажмуанинг очилиш маросими муносабати билан шу маҳаллада туғилиб ўсган Ғани Ҳамидов, Ихтиёр Қаюмов ва Акмал Мамарасуловлар хотирасига бағишлаб футбол бўйича хотира турнири ўтказилди.