Любинко Друлович бошчилигидаги Ўзбекистон олимпия терма жамоаси Тошкентда йиғинга киришди.
Терма жамоамиз 12 июнга қадар давом этадиган йиғин давомида Миср олимпия терма жамоасига қарши иккита назорат ўйинида майдонга тушади. Ўйинлар Наманган ва Андижон шаҳарларида бўлиб ўтиши режалаштирилган.
Олимпиячиларимиз устози мазкур йиғинга «Бунёдкор» футбол клубининг олти нафар аъзосини таклиф қилди. Булар – Нурилло Тўхтасинов, Абдулла Абдуллаев, Санжар Қодирқулов, Жасур Жалолиддинов, Ислом Қобилов ва Миржаҳон Мираҳмадов.