"Реал Мадрид” сардори Серхио Рамос фаолиятини Хитойда давом эттирмоқчи. Бу ҳақида AS хабар тарқатди.
Манбанинг хабарига кўра, 33 ёшли футболчи жамоа президенти Флорентино Перес билан учрашган. Футболчи президентдан яхшигина маош таклиф қилган Хитой клубига ўтиш учун шартномасини бекор қилишни сўраган.
Эслатиб ўтамиз, Рамос “Реал” сафида 2005 йилдан буён тўп суриб келади. Жорий мавсум у 28та ўйинда ишттрок этди ва 6та гол уришга эришди.