Италия футбол федерацияси аёл ҳакам қаршисида шортисини ечган “Трепорти” жамоасининг 14 ёшли ўйинчисини футбол фаолиятидан четлаштирди.
Tutto Calcio Catania хабарига кўра, футболчи суриштирув ишлари якунига етмагунга қадар майдонга тушиш ҳуқуқидан маҳрум қилинган. Бундан ташқари, футболчиларнинг ота-оналари аёл ҳакамни ҳақорат қилганликлари учун “Трепорти” клуби 100 евро миқдорида жаримага тортилган.
Куни кеча Италиянинг “Трепорти” ва “Миранезе” ўсмир жамоалари ўртасидаги кечган ўйинда жанжал юзага келди. 14 ёшли футболчи бурчак зарбасини амалга ошираётган вақтда аёл ҳакам қаршида шортисини ечди. Бу ҳам камлик қилгандан “Кўрайликчи, мени ўйиндан четлатиш учун жасоратинг етармикан”, дея қичқирган. Ушбу хатти-ҳаракати сабабли ўйинчига қизил карточка кўрсатилди. Бу эса футболчилар ота-оналарининг ғазабини қўзғади.
Ўйин давомида 20 яқин “Трепорти” ўйинчиларнинг ота-оналари ҳакамни ҳақорат қилишади ва қизга футболнинг ўрнига фоҳишалик билан шуғулланишини таклиф қилишади.
Gazzettino маълумотига қараганда, мазкур ўйинга 22 ёшли Жулию Никастро ҳакамлик қилган. Никастрога руҳий ёрдам кўрсатилмоқда.
