«Челси» ярим ҳимоячиси Эден Азар ҳозирда Испаниянинг Марбелье шаҳрида ўз оиласи билан биргаликда таътилни ўтказмоқда.
Дам олиш пайтида 28 ёшли футболчи "Реал" футболкасини ушлаган ҳолатда тушган сурати интернетда тарқалди. Унинг ёнида эса «Барселона» мухлиси бўлган официант турибди. У футболчига "Реал"га эмас, "кўк-анорранглилар" сафига ўтишини айтиб ҳазиллашди. Азар эса бу фикрга "йўқ" дея жавоб қайтарди.
Аввалроқ «Реал» Эден Азар учун «Челси»га 120 миллион евро таклиф қилгани ҳақида хабарлар тарқалганди. ОАВ тарқатган хабарга кўра, мадридликлар 3 июнь куни бельгиялик футболчининг тақдимот маросимини ўтказади.