Бельгиялик ярим ҳимоячи Эден Азар “Челси”дан “Реал”га кўчиб ўтди. Бу ҳақда Мадрид клуби маълум қилди.
“Реал” 28 ёшли хавбек билан 2024 йилга қадар шартнома имзолагани ҳақида эълон қилди.
Азарнинг тақдимот маросими 13 июнь куни “Сантьяго Бернабеу” стадионида бўлиб ўтади. Эден янги жамоасида 7-рақамли либосда ўйнайди.
Аввалроқ, “Челси” Азар трансферини “Реал”га 130 млн фунтга сотиши кутилаётган эди.
Маълумот ўрнида, Азар “Челси”да 7 мавсум ўйнади. Шу вақт давомида у икки марта Англия чемпиони, мамлакат кубоги ва Англия лига кубогини қўлга киритди. Шунингдек, Эден Азар “Челси” футболчиси сифатида икки марта Европа лигасида ғолиб чиқди.