Эртага профессионал боксчи Шоҳжаҳон Эргашев фаолиятидаги навбатдаги жангини ўтказади. Москва шаҳрида проф боксдаги 17-жангида рингга кўтарилади.
Ушбу бокс кечасидаги жангга бир кун қолганда Ўзбекистонлик боксчининг рақиби ўзгарди, Шоҳжаҳон эртага россиялик Максим Чурбановга қарши рингга чиқади.
Аслида Эргашев Пуерто-Рико вакили Даниелито Зорриллага қарши жанг ўтказиши керак эди. Шоҳжаҳоннинг янги рақиби 32 ёшли Максим Чурбанов россиялик боксчи бўлиб, фаолияти давомида жами 13 та жанг ўтказган. Ҳисобида 8 ғалаба, 4 мағлубият ва бир дуранг бор. Бир маротаба нокаутга учраган.
