Португалия терма жамоаси Миллатлар лигаси финали олдидан машғулот ўтказди. Жамоа автобусга ўтириб, стадиондан меҳмонхона томон йўлга чиқаётганидан, 11 ёшли бола: «Криштиану Роналду, мени қучоқла», дея ёзилган баннер кўтариб олган эди.

Ҳужумчи болани кўриб қолди ва ҳайдовчидан автобусни тўхтатишни сўради. Шундан сўнг Криштиану болани автобусга таклиф қилди ва у билан суратга тушди.

A Bola нашри тарқатган хабарга кўра, боланинг исми Эдуардо Морейра. У лейкемия касалига чалинган.

Португалия терма жамоаси бугун, 9 июнь куни Голландияга қарши Миллатлар лигаси финал баҳсида майдонга тушади. Ўйин Тошкент вақти билан 23:45да бошланади.