Голландия терма жамоасининг бош мураббийи Рональд Куман Миллатлар лигаси финалида Португалия термасидан учралган мағлубиятга шарҳ берди.
"Голга тортадиган вазиятларимиз кам бўлди. Аниқроқ ўйнашимиз керак эди, бугун бу борада муаммоларга дуч келдик. Энг яхши ўйинимизни кўрсатишимиз лозимлигини англардик, аммо бунинг уддасидан чиқа олмадик.
Балки бу йигитларнинг соврин ютадиган даври ҳали келмагандир. Олдинда Евро-2020 ўйинлари кутиб турибди ва ўз шогирдларим ҳақида ёмон фикр билдира олмайман. Бугун ғалаба учун озгина қолди, умуман олганда мусобақа биз учун ижобий ўтди", - дейди Куман.
