Ўзбекистон ОТЖ ҳамда Миср ОТЖ ўртасидаги баҳс якунига етди. Учрашувдан сўнг бўлиб ўтган матбуот анжуманининг биринчи қисмида меҳмонлар бош мураббийи Шавки Ғариб ва  Миср футбол федерацияси бошқарув кенгаши раиси Карам Курдий Абдул Фаттоҳ иштирок этди.

- Бугунги натижадан хурсандман. Асосан мухлисларни такидлаб ўтмоқчиман. Бугун мағлуб бўлган бўлсакда, биз жуда ҳам хурсандмиз. Келажакда яна бирга ўйнаймиз деб ўйлайман. Мухлисларга катта раҳмат улар бизни ҳам жамоаларини ҳам ажойиб қўллаб-қувватлаб туришди.

Рақибнинг дарвозабони ажойиб ўйин ўтказди. У жамоасини бир қатор муқаррар голлардан қутқариб қолди. Учрашув олдидан ҳам ўйиндан кейин ҳам Ўзбекистон ОТЖ ҳақида фикрларим ижобий.

Миср футбол федерацияси бошқарув кенгаши раиси Карам Курдий Абдул Фаттоҳ: Купер дунё миқёсидаги мураббий. Ишонаман, Эктор Купер Ўзбекистон билан ҳам Жаҳон чемпионатига чиқади. У бизнинг даражамизни анча кўтариб берган инсон.

Миср миллий терма жамоаси Ўзбекистон миллий терма жамоаси билан ўртооқлик учрашуви ўтказиши мумкинми?

- Ҳа, мумкин Ўзбекистон билан Миср бу масалада ўзаро келишиб ўйин ташкил қилса бўлади”, - дея Абдул Фаттоҳ сўзларини келтиради Stadion.uz мухбири Жалолиддин Қобилжонов.