Ўзбекистон ОТЖ ва Миср ОТЖ ўртасида ўтказилган ўртоқлик учрашувидан сўнг терма жамоамиз ярим ҳимоячиси Жасур Жалолиддинов сайтимиз учун  қисқа интервью берди.

- Учрашувга тўхталадиган бўлсам, ўйин биз хоҳлагандек кечди. Учрашув олдидан нима режа қилган бўлсак барчаси амалга ошди. Мана шу 12 кунлик йиғинда мураббийлар бизга нималарни ўргатган бўлишса Мисрга қарши ўйинларда булар амалга ошди.

Рақиб ҳақида фикр билдирсам, Миср ҳам кучли жамоа экан ҳар доим очиқ футбол таклиф қиларкан. Андижондаги ҳам Намангандаги ўйин ҳам қизиқарли ўтди деб ўйлайман.

Друлович умуман бошқача мураббий экан. Европа футболини бизнинг футболга мослаштираётган мураббий десам адашмаган бўламан. Мазкур йиғиндан ўзимга керакли бўлган кўп нарсалар олдим. Друлович майдонда кўзга ташланмаган майда хатоларимни кўрсатиб берди. Ҳали хатоларим кўплигини тушуниб етдим. Умумий қилиб айтганда бу йиғиндан кўнглим тўлди, сабаби мен ОТЖдаги дебютимни нишонладим.

Жалолиддин Қобилжонов ёзиб олди.