“Барселона”  “Манчестер Юнайтед” ҳужумчиси Маркус Рэшфорд трансферидан бош тортди.

Daily Mail нашрининг хабар беришича, Каталония клуби англиялик футболчини ёзги трансферлар вақтида сотиб олмайдиган бўлди.

Маълумотларга қараганда, “кўк-анорранглилар” Рэшфордни келаси мавсумда сотиб олишга қарор қилмоқда.

Рэшфорднинг “Манчестер Юнайтед” билан тузган шартномаси 2020 йил тугайди, унинг келажаги эса ҳали ҳам сўроқ остида турибди.

Маълумот ўрнида, жорий мавсум Рэшфорд “қизил иблислар” сафида 33 та ўйинда майдонга тушиб 10 та гол урди.