Мамлакат чемпионатининг юқори дивизиони жамоалари мавсумнинг биринчи босқич ўйинларини якунлаш арафасида, кучлилар иккинчи босқичда яна мусобақани давом эттиришади.
Кеча Ўзбекистон Кубогига ҳам қуръа ташланди. Унда олий лиганинг 15та ва 1-лиганинг битта жамоаси нимчорак финал ўйинларидан баҳсларга киришиши маълум бўлди. Тошкент вилоятининг Қибрай шаҳарчасида жойлашган шу номдаги стадионда эса қизлар ўртасида 1-лига мусобақалари старт олди ва биринчи тур ўйинлари ўтказилди.
1-турни АГМК-2 жамоаси қизлари юқори кайфиятда ўтказа олди ва якунда пешқадамга айланди.
1-лига. 1-тур. 12-14 июнь. “Қибрай” спорт мажмуаси.
Иштирокчилар: “Хоразм” (Урганч), “Севинч-2” (Қарши), АГМК-2 (Олмалиқ), “Кимёгар” (Чирчиқ).
Қайд этилган натижалар:
12 июнь
“Хоразм” - “Севинч-2” - 5:2
“Кимёгар” - АГМК-2 - -:+
13 июнь
“Хоразм” - “Кимёгар” – 4:1
АГМК-2” - “Севинч-2” – 4:0
14 июнь
“Севинч-2” - “Кимёгар”– 3:0
“Хоразм” - АГМК-2 – 0:4
Шу тариқа 1-турдан кейинги АГМК-2 жамоаси юз фоизли натижа билан пешқадам бўлиб турибди. “Хоразм” 6 очко билан иккинчи, “Севинч-2” эса уч очко билан учинчи ўринни банд этяпти. “Кимёгар” жамоасида ҳали очко йўқ.
Навбатдаги 2-тур ўйинлари август ойига белгиланган.
