“Фиорентина” клуби янги эгаси Рокко Коммиссо жамоа ҳужумчиси Федериcо Кьесанинг келажаги ҳақида фикр билдирди.

Америкалик миллионернинг сўзларига кўра, жамоа етакчиларининг савдоси унинг режаларига киритилмаган. Кьеса "Фиорентина"ни 100 млн еврога ҳам тарк этмайди.

"Ҳатто менинг тақдимотим пайтида ҳам Кьесани сотишни режалаштирмаганман. Энди сўзларни такрорлайман. Агар менга 100 млн евро таклиф қилсангиз ҳам, у жамоада қолади. Камида кейинги мавсум учун. "Кейинги мавсум" деб айтганда, бу Федерико кейинги ёзда сотилади дегани эмас. Албатта, биз уни 2020/21 мавсумида ҳам сақлаб қолишга ҳаракат қиламиз ", - дея хабар беради Cоrriere dello Sport.

Эслатиб ўтамиз, Коммиссо 2019-йилнинг ёзида "Фиорентина"ни сотиб олган.