Бразилия терма жамоаси аёллар ўртасида ўтаётган жаҳон чемпионати гуруҳ босқич доирасида Италияни мағлубиятга учратди.
Ўйиндаги ягона голни 74-дақиқада ҳужумчи Марта уришга муваффақ бўлди.
Бразилиялик футболчи жаҳон чемпионатидаги голлари сонини 17 тага етказиб олди. Шунингдек, у кетма-кет бешинчи жаҳон чемпионатида гол урди.
33 ёшли футболчи жаҳон чемпионати тарихидаги энг яхши тўпурар бўлди. Агар эркаклар ва аёлларни таққослаб ўтсак Марта Германия терма жамоасининг собиқ ҳужумчиси Мирослав Клозени ортда қолдирди. У жаҳон чемпионатида 16 та гол урган.
