Braziliya terma jamoasi ayollar o‘rtasida o‘tayotgan jahon chempionati guruh bosqich doirasida Italiyani mag‘lubiyatga uchratdi.
O‘yindagi yagona golni 74-daqiqada hujumchi Marta urishga muvaffaq bo‘ldi.
Braziliyalik futbolchi jahon chempionatidagi gollari sonini 17 taga yetkazib oldi. Shuningdek, u ketma-ket beshinchi jahon chempionatida gol urdi.
33 yoshli futbolchi jahon chempionati tarixidagi eng yaxshi to‘purar bo‘ldi. Agar erkaklar va ayollarni taqqoslab o‘tsak Marta Germaniya terma jamoasining sobiq hujumchisi Miroslav Klozeni ortda qoldirdi. U jahon chempionatida 16 ta gol urgan.
