Аёллар футболи бўйича Ўзбекистон чемпионатида 13-тур ўйинлари бўлиб ўтди.

Сафарда «Пахтакор-W»га қарши майдонга чиққан «Бунёдкор-W» йирик ҳисобда ғалаба нашидасини сурди. Ҳар бир бўлимда мезбонлар дарвозасини тўрт мартадан ишғол қилган футболчиларимиз ўзлари бир мартагина ўйинни майдон марказидан бошлашди. Шу тариқа жамоамиз навбатдаги уч очкони қўлга киритиб, пешқадамликни янада мустаҳкамлади.

ЎЗБЕКИСТОН ЧЕМПИОНАТИ. 13-ТУР

«ПАХТАКОР-W» – «БУНЁДКОР-W» - 1:8 (0:4)

19 июнь. Қибрай. «Қибрай» стадиони. 35 томошабин.

Бош ҳакам: Р.Каримов.
Қанот ҳакамлари: Х.Эркинова, Р.Юсупова.
Захирадаги ҳакам: Темур Галеев.
Назоратчи: Наби Рўзиев.
Комиссар: Юля Панина.

«Пахтакор»: Дилором Туланова, (Нилуфар Бахтиёрова, 71), Мадина Абдураимова, Мадина Ҳикматова (Камола Эркинова, 66), Роза Асқарова, Динара Тагирова, Мадина Воҳидова (Зуҳра Холиқова, 60), Лидия Цема, Юлдуз Ҳамдамова (Урие Насибуллаева, 79), Маржона Абдусатторова, Дурдона Бахтиёрова (Умида Хотамова, 62), Малика Ҳалилова (Ойбарчин Турғунова, 46).

«Бунёдкор»: Ольга Қаҳҳорова, Зумрад Назарова, Людмила Карачик, Дилноза Бектемирова (Зиёда Исақова, 76), Саида Галимова, Нозима Эргашева (Насиба Турсунова, 84), Умида Зоирова, Феруза Турдибоева, Солиҳа Ҳусниддинова, Тожинисохон Рашидова (Полина Миханько, 69), Маҳлиё Сарикова.

Голлар: Тожинисохон Рашидова, 12 – 0:1. Феруза Турдибоева, 14 – 0:2. Людмила Карачик, 20 – 0:3. Солиҳа Ҳусниддинова, 40 – 0:4. Людмила Карачик, 52-пенальтидан – 0:5. Умида Хотамова, 65 – 1:5. Полина Миханько, 70 – 1:6. Людмила Карачик, 73 – 1:7. Дилноза Бектемирова, 76 – 1:8.

Огоҳлантиришлар: Людмила Карачик, 36. Зуҳра Холиқова, 68.