Ўзбекистон терма жамоаси собиқ мураббийи Самвел Бабаян “Локомотив” бошқарувини қўлга олди. Бу ҳақда Бабаяннинг ўзи Worldnews.uz ахборот агентлигига маълум қилди.
Ҳозирда клуб йиғилишлар залида ушбу масала юзасидан мажлис бўлиб ўтмоқда. Мажлисда бунгача “Локомотив”да бош мураббий лавозимида ишлаётган Андрей Фёдоровнинг истеъфоси раҳюарият томонидан амалга оширилди ва унинг ўрнини Самвел Бабаян эгаллади.
Клуб матбуот хизмати ушбу янгилик юзасидан ҳозирча расмий маълумот тарқатмади. Лекин клубдагиларнинг айтишига кўра, Бабаян эртадан “Локомотив”да расман иш бошлайди.
