Иккинчи енгил вазн (55,34 кг) тоифасида ўз жангларини ўтказиб келаётган боксчимиз Муроджон Аҳмадалиев ниҳоят тўлақонли WBA чемпионлик камари учун рингга кўтариладиган бўлди.
Айни пайтда ушбу чемпионлик камари америкалик боксчи Даниэль Романга тегишли бўлиб турибди. Муроджон "Кака" Аҳмадалиев эса WBA Intercontinental камари соҳиби бўлиш билан бирга Романнинг чемпионлик камарига расмий даъвогар ҳам ҳисобланади.
WBA ташкилоти ҳар икки боксчининг промоутерлари ўртасида жанг ҳуқуқига эгалик қилиш бўйича савдо ўтказилишини маълум қилди. Агар боксчиларнинг жамоалари ўзаро келиша олмаса, у ҳолда промоутерлар учун очиқ савдо эълон қилинади. Бу борада 2 июль куни якуний қарор маълум бўлади.
Агар Муроджон бўлажак чемпионлик жангида Романни мағлубиятга учратса, АҚШда чемпион бўлган илк ўзбекистонлик боксчига айланади.
