Бугун Наманган шаҳридаги “Марказий” ўйингоҳнинг анжуманлар залида ПФЛнинг Оммавий тадбирларни уюштириш ва мухлислар билан ишлаш ходими Отабек Адилов “Навбаҳор” жамоасининг ашаддий мухлислари билан учрашув ўтказди.
Унда ПФЛ ходими мухлислик маданияти ҳозирги кунда давр талаби эканлигини таъкидлаб, Coca Cola Суперлига ўйинларида ишқибозлар маданиятли бўлишлари, ҳакамларни турли сўзлар билан ҳақоратламасдан, аксинча уларни олқишлашлари, севимли жамоаларининг футболчиларини ҳам муносиб қўллаб-қувватлашлари лозимлигини айтиб ўтди.
Шунингдек, мухлислар Отабек Адиловга ўзларини қизиқтирган бир неча саволлар билан мурожаат қилишди. Адилов ушбу саволларга жавоб қайтарди.
Қисқаси, учрашув қизғин муҳокамалар остида кечди.
“Навбаҳор” ПФК матбуот хизмати.
