Bugun Namangan shahridagi “Markaziy” o‘yingohning anjumanlar zalida PFLning Ommaviy tadbirlarni uyushtirish va muxlislar bilan ishlash xodimi Otabek Adilov “Navbahor” jamoasining ashaddiy muxlislari bilan uchrashuv o‘tkazdi.
Unda PFL xodimi muxlislik madaniyati hozirgi kunda davr talabi ekanligini ta’kidlab, Coca Cola Superliga o‘yinlarida ishqibozlar madaniyatli bo‘lishlari, hakamlarni turli so‘zlar bilan haqoratlamasdan, aksincha ularni olqishlashlari, sevimli jamoalarining futbolchilarini ham munosib qo‘llab-quvvatlashlari lozimligini aytib o‘tdi.
Shuningdek, muxlislar Otabek Adilovga o‘zlarini qiziqtirgan bir necha savollar bilan murojaat qilishdi. Adilov ushbu savollarga javob qaytardi.
Qisqasi, uchrashuv qizg‘in muhokamalar ostida kechdi.
“Navbahor” PFK matbuot xizmati.
