Лион президенти Жан-Мишел Оляс жамоа ярим ҳимоячиси Тангай НДомбеле клубдан кетиш истагини билдирганини маълум қилди.
"НДомбеле клубдан кетмоқчи. Биз муҳим таклифни кутмоқдамиз. Агар у кетадиган бўлса, биз унинг ўрнига бошқа футболчи қидирган бўлар эдик. Ҳозирча ҳеч нарса қилинмади, аммо трансферлар ойнаси очилди ", - дейди Оляс.
Аввалроқ, "Тоттенхем" 22 ёшли футболчига қизиқиш билдирган.
Меdiа хабарларига кўра, "шпор"лар "Лион"га НДомбеле учун 63 млн доллар таклиф қилишга тайёр эди.
Маълумот ўрнида, НДомбеле 2018-йилнинг ёзида "Лион"га "Амён"дан кўчиб ўтган.
Эслатиб ўтамиз, ўтган мавсумда ярим ҳимоячи Франция чемпионатида 34та ўйинида иштирок этган ва 1 та голга муаллифлик қилган. Шунингдек, унинг "Лион" билан шартномаси 2023-йилнинг ёзигача амал қилади.
