Бугун “Сурхон” футбол клубида навбатдан ташқари йиғилиш бўлиб ўтди. Ушбу йиғилишда “Сурхон” жамоасининг барча аъзолари иштирок этдилар. Йиғилишни “Сурхон” футбол клуби бош директор ўринбосари Алишер Рустамов очиб берди.
Ўз олдига юқори мақсадларни қўйган “Сурхон” жамоасига янги бош мураббий тайинланди.
Ўзбек футболи муҳлислари учун таниқли бўлган, тажрибали мутахассис Бахтиёр Ашурматов “Сурхон” жамоасининг янги бош мураббийи этиб тайинланди.
Менга билдирилган ишонч учун авваламбор “Сурхон” футбол клуби раҳбариятига ўз миннатдорчилигимни билдираман. Ишонаманки, биз бир оила бўлиб шаклланиб, фақат юқори мақсадлар сари интиламиз дейди – Бахтиёр Ашурматов.
Эслатиб ўтамиз, Ашурматов ўтган мавсумда “АГМК” жамоаси билан Ўзбекистон кубогини қўлга киритган.
“Сурхон” ПФК матбуот хизмати.
