Coca Cola Суперлиганинг 13-турида "Навбаҳор" Навоийда “Қизилқум” клуби меҳмони бўлади.

Мазкур жамоаларнинг Суперлига (олий лига)даги ўзаро ўйинлари статискасига назар ташлайдиган бўлсак, мазкур клублар 38 марта ўзаро рўбарў бўлишган. Ушбу баҳсларда “Навбаҳор” 14 марта, навоийликлар эса 13 марта ғалаба нашидасини суришган, 11та учрашувда эса дуранг қайд этилган. Тўплар нисбати бўйича устунлик вакилларимиз томонида -  50–44. Ўзаро ўйинларда “лочинлар” 53, “Қизилқум” эса 50 очкони қўлга киритган.

“Навбаҳор”нинг  навоийликлар устидан қозонган энг йирик ҳисобдаги ғалабаси – 4:0 бўлса, “Қизилқум”нинг бу борадаги натижаси 3:0га тенг.

“Қизилқум” – “Навбаҳор” жамоалари ўртасидаги учрашув бугун Навоийдаги  “Ёшлик” спорт мажмуасида соат 20:00да старт олади. 

“Навбаҳор” ПФК матбуот хизмати.