Америка кубоги мусобақасида иккинчи ярим финалчи жамоанинг номи аниқ бўлди. Аргентина терма жамоаси чорак финал босқичида Венесуэлани мағлуб этишга муваффақ бўлди.

"Альбиселесте", худди Қатар билан ўйинда бўлганидек, Лаутаро Мартинес томонидан урилган тезкор гол эвазига ҳисобни очди. У товони билан тўпни дарвозага жойлаб қўйди. Аргентина ўйин давомида кўп вазиятга эга бўлмаса-да, "Интер" ҳужумчиси яна бир марта рақиб дарвозасини ишғол қилиши мумкин эди.

Иккинчи бўлимда венесуэлаликлар босимни ошириб боришди, аммо Аргентина ташкил этилган қарши ҳужумларнинг бирини гол билан якунлаб, ўйин тақдирини ҳал қилди. Бу вазиятда даврозабон Серхио Агуэронинг зарбасини қайтарган бўлса, Ло Чельсо қайтган тўпни дарвозага жойлаб қўйди.

Шу тариқа, аргентиналиклар ярим финал йўлланмасини қўлга киритишди. Жамоа финал йўлланмаси учун Бразилияга қарши майдонга чиқади.

Америка кубоги-2019, чорак финал
Венесуэла – Аргентина 0:2 (0:1, 0:1)
Голлар: 0:1 – 10 Мартинес, 0:2 – 74 Ло Чельсо.
Венесуэла – Фариньес, Эрнандес, Чансельор, дель Пино Маго (Сотельдо, 56), Росалес (Сейхас, 83), Морено, Мурильо, Эррера, Ринкон, Мачис (Мартинес, 71), Рондон.
Аргентина – Армани, Фойт, Пеццелья, Отаменди, Тальяфико, Паредес, де Пауль, Акунья (Ло Чельсо, 68), Месси, Мартинес (Ди Мария, 64), Агуэро (Дибала, 85).
Огоҳлантиришлар: Ринкон (12), Эррера (15), Мартинес (16), Акунья (42), Рондон (44), Сотельдо (90).