Бугун ўзбек футболи ватани – Қўқонда катта футбол байрами! “Қўқон-1912” жамоаси бугун “Марказий” ўйингоҳда мамлакатимизнинг энг номдор клуби, чемпионат пешқадами Тошкентнинг “Пахтакор” жамоасини қабул қилади.

Ушбу жамоалар ўртасидаги ўйинлар ҳар доим кескин курашлар остида ўтган, десак муболаға бўлмайди. Айниқса, сўнгги йилларда Қўқонда бўлиб ўтаётган баҳслар шиддатли ва муросасиз руҳда ўтмоқда. Бугунги беллашув ҳам аввалгиларидан қолишмайди деган умиддамиз.

Эслатиб ўтамиз, Coca Cola Суперлига 13-тур доирасидаги “Қўқон-1912” – “Пахтакор” учрашуви бугун “Марказий” ўйингоҳда соат 18:00да бошланади.