Bugun o‘zbek futboli vatani – Qo‘qonda katta futbol bayrami! “Qo‘qon-1912” jamoasi bugun “Markaziy” o‘yingohda mamlakatimizning eng nomdor klubi, chempionat peshqadami Toshkentning “Paxtakor” jamoasini qabul qiladi.
Ushbu jamoalar o‘rtasidagi o‘yinlar har doim keskin kurashlar ostida o‘tgan, desak mubolag‘a bo‘lmaydi. Ayniqsa, so‘nggi yillarda Qo‘qonda bo‘lib o‘tayotgan bahslar shiddatli va murosasiz ruhda o‘tmoqda. Bugungi bellashuv ham avvalgilaridan qolishmaydi degan umiddamiz.
Eslatib o‘tamiz, Coca Cola Superliga 13-tur doirasidagi “Qo‘qon-1912” – “Paxtakor” uchrashuvi bugun “Markaziy” o‘yingohda soat 18:00da boshlanadi.
