"Манчестер Юнайтед" Маркус Решфордни жамоадаги энг кўп маош оладиган футболчиларидан бирига айлантирмоқчи. Томонлар янги беш йиллик шартнома имзолашга яқин туришибди. Унга кўра, 21 ёшли инглиз ҳафтасига 200 минг фунт (тахминан 223 минг евро) олади. Бу ҳақда ESPN хабар берди.
Ҳозирда "Манчестер Юнайтед"нинг энг кўп маош оладиган футболчиси Алексис Санчес бўлиб, у ҳафтасига 391 минг фунт (тахминан 436 минг евро) олади.
Эслатиб ўтамиз, Решфордга "Барселона", "Реал" ва "Манчестер Сити" қизиқиш билдирган. Маълумот ўрнида, ўтган мавсумда Решфорд 47 та ўйинда 13 та гол ва 9 та голлик пас беришга сазовор бўлган. Унинг "қизил иблислар" билан амалдаги шартномаси 2020-йилнинг 30-июнигача амал қилади.
