«Ювентус» дарвозабони Жанлуиджи Буффон ўзига тақдим этилган 1-рақамли футболка ва сардорлик боғичини рад қилганини таъкидлади. Эслатиб ўтамиз, ҳозирда 1-рақамда Войцех Шчесни ўйнаётган бўлса, сардорлик боғичи Жоржо Кьеллинига тегишли.

«Шчесни менга 1-рақамни таклиф қилган бўлса, Кьеллини сардорлик боғичини беришини айтди. Лекин мен уларни олишни истамайман. Жоржо каби сардорга эга бўлиш — мен учун фахр. У мен учун укамдек.

Мен бу ерга майдонда қанча дақиқа ҳаракат қилишни ҳисоблаш учун келмадим. Шчесни асосий дарвозабон бўлишга ҳақли. Мен эса унга захира посбон бўлиш учун ҳамиша тайёр бўлишим керак», – деди 41 ёшли Буффон.

Эслатиб ўтамиз, Буффон «Ювентус» билан 2020 йилнинг ёзига қадар бўлган шартнома имзолади.

Маълумот ўрнида. Дарвозабон ўзига 77-рақамни танлади. У "Парма" клубида фаолиятини шу рақамли футболкада бошлаган.