ЕЧЛ финалида "Тоттенҳэм" - "Ливерпуль" учрашувида майдонга ярим ялонғоч ҳолатда югуриб чиққан америкалик модель ва актриса Кинси Волански Америка кубоги финалида Бразилия - Перу учрашувида ҳам яна бу ишини такрорламоқчи бўлди.
Аммо у ва унинг йўлдоши Виталий Здоровецкий стадион қўриқчилари томонидан тўхтатиб қолинган.
"Тан оламан, Америка кубоги, сен ютдинг. Аммо бу яна ўша авантюра эди. Бразилияга етиб келдик, кийим алмаштирдик, аммо ҳаммаси Виталийни 20та қўриқчи ушлаб олиши билан якунланди. Бизни қўйиб юборишди, энди Бразилиядан завқ оляпмиз", - деб ёзади Волански инстаграмда.
Эслатиб ўтамиз, ЕЧЛ финалидаги безорилиги учун Волански 15 минг евро жаримага тортилган эди.
