Хабар берганимиздек, Бекободнинг “Металлург” жамоаси Суперлиганинг иккинчи даврасига тайёргарлик жараёнини Қибрай ўқув машғулот масканида олиб бораяпти.
Бугун эрталабдан бекободлик футболчилар Ўзбекистон футбол ассоциацияси Техник ривожлантириш бошқармаси илмий-методик бўлими томонидан тасдиқланган норматив тестларни топширишди.
Техник ривожлантириш бошқармаси илмий-методик бўлими раҳбари, педагогика фанлари номзоди, профессор Шамиль Исеев бошчилигидаги мутахассислар “Металлург” футболчиларидан 30 метрга югуриш, "Yo Yo", узунликга сакраш, 7х50 метрга югуриш сингари тестларни норматив тестларини қабул қилишди.
