Ушбу рукндаги энг сўнгги янгиликлар билан таништиришда давом этамиз.
«Реал Мадрид» Неймар борасида илк таклифни жўнатди
“Испаниянинг «Реал Мадрид» жамоаси Неймарни ўз таркибига қўшиб олиш борасида «ПСЖ» жамоасига ўзининг илк таклифини жўнатди”, - деб хабар тарқатмоқда хориж нашрлари
Унга кўра, «қироллик клуби» футболчи учун «ПСЖ»га Гарет Бейл ва 90 миллион евро таклиф қилган. Энг қизиғИ шундаки, «ПСЖ» «Барселона» жамоасини кучсизлаштириш мақсадида бразилиялик футболчини арзонроқ нархга бўлсада «Реал Мадрид»га сотиб юборишни мақсад қилган. Париж клуби спорт директори Неймарнинг кетиш ҳақидаги жанжалларининг бош сабаби дея «Барселона» клубини кўрсатган. Агарда иш шу кетишда давом этса, Неймар «Реал Мадрид» сафида пайдо бўлиши ҳам ҳеч гап эмас.
Сессенион сериали якунланди
«Фулҳем» клуби қанот ҳимоячиси Раян Сессенионни қўлга киритиш учун 8 га яқин клуб кураш олиб борганидан хабарингиз бор. Иқтидорли футболчи учун бўлиб ўтган пойгада Лондоннинг «Тоттенҳем» клуби ғолиб чиқди.
Футболчи билан шахсан ўзи учрашган Почетино уни «шпорлар» сафига ўтишга кўндирган. Футболчининг трансфер суммаси 20 миллион фунт деб баҳоланмоқда.
Почетино тез орада клубни тарк этиши кутилаётган Дени Роузнинг ўрнини айнан Сессенион билан тўлдиришни мақсад қилган.
Сарри трансфер режалари билан ўртоқлашди
Маурициу Сарри жамоасининг трансфер режалари ҳақида билганларини ошкор қилди. Клуб расмий сайтига интервью берган мутахассис қуйидаги сўзларни келтириб ўтди: «Мен бу иш билан ўралашиб қолишни истамайман. Бу учун алоҳида ишлайдиган раҳбарлар мавжуд. Ҳозирда бизда айрим позицияларда ўйинчилар кўпайиб кетган. Бу кетишда улардан баъзиларни сотиб юборишимиз керак бўлади. Футболчиларимизнинг 7 таси жароҳатидан фориғ бўлмаган бўлса, яна 5 таси терма жамоа қароргоҳидан эндигина келиб сафимизга қўшилди.
Трансфер ойнаси ёпилгунига қадар ўйинчи сотиб олишга ҳаракат қиламиз, лекин бир нечта ўйинчиларни сотиб юборишимиз шарт. Акс ҳолда, ҳаммани ЙЧЛ рўйхатига кирита олмаймиз. Биз учун ҳозирда биринчи навбатдаги вазифа футболчиларимизнинг айримларини сотиб юбориш»
«Арсенал» ишга киришди
Лондоннинг «Арсенал» жамоаси Дани Себалос борасидаги илк расмий таклифни «Реал Мадрид» жамоасига жўнатди.
Унга кўра «тўпчилар» Себалос учун унинг клубига 30 миллион евро таклиф қилишган. «Реал Мадрид» эса ўз талабларини қўйишни бошлади. «Қироллик клуби» футболчини қайта сотиб олиш шарти билангина қўйиб юборишга тайёр. Акс ҳолда, футболчи янги мавсумни ҳам Мадридда давом эттиради. Бундан ташқари «қироллик клуби» ўз ўйинчисини шунча шарт билан ҳам 40 миллиондан камига қўйиб юбормаслигини расман эълон қилди.
Бейл Хитойнинг энг бой футболчиларидан бири бўлиши мумкин
«Реал Мадрид» жамоаси ҳужумчиси Гарет Бейл Хитойнинг «Сунин» клуби қизиқишлари доирасида турибди.
Хитой жамоаси уэлслик футболчи учун ҳафтасига 600 минг евро маош белгиланган узоқ муддатли шартномани таклиф қилди. Агарда бу трансфер амалга ошса, Бейл Хитойда энг кўп маош олувчи футболчига айланади. Бейлнинг агенти бу таклиф борасида якуний жавобни берганича йўқ. Шундай бўлсада, Бейлнинг вақти кўп эмас. Гап шундаки, Хитойда трансфер ойнаси 31-июль куни ёпилади.
«Арсенал» Заҳа борасида келишувга эриша олмади
Лондоннинг «Арсенал» жамоаси «Кристал Пелас» клуби ярим ҳимоячиси Заҳанинг клубига иккинчи бор расмий таклиф билан чиқди. Унга кўра, жамоа футболчини қўлга киритиш мақсадида 55 миллион фунт ва 19 ёшлик футболчи Рис Нелсонни қўшиб бермоқчи эди. Афсуски, «Кристал Пелас» жамоаси иккинчи бор таклифни рад этди. Жамоа ўз футболчиси учун 100 миллион атрофида сўрамоқда ва ундан камига қўйиб юбормоқчи эмас.
Маълумот ўрнида, агарда Заҳа транасфери амалга ошса, «Арсенал» жамоаси футболчиси Алекс Ивоби жамоани тарк этишини эълон қилди.
«Милан» ҳужумчисини сотмоқчи
«Милан» жамоаси ўз вақтида кўпчилкда катта умид ва қизиқиш уйғотган Андреа Силвани сотиб юбормоқчи. Португалиялик футболчи учун Франциянинг «Монако» клуби асосий даъвогар бўлиб турибди.
«Милан» Силвани сотиб юбориш эвазига келиб тушадиган пулларга «Атлетико Мадрид» жамоаси ҳужумчиси Ангел Кореани ҳарид қилмоқчи. Аргентиналик футболчининг трансфер суммасини тўлаш мақсадида Италия клуби ўзининг яна бир ҳужумчиси Патрик Кутронени ҳам сотувга қўйган.
