Янги мавсумга тайёргарлик кўраётган Европанинг топ-клублари ўртоқлик ўйинларини ўтказишмоқда. "Барселона" Японияда "Rakuten Cup" доирасида таркибида Андрес Иньеста бўлган "Виссел Кобе"га қарши майдонга чиқди.

Учрашув давомида тўла устунлик каталонияликлар томонида бўлди, аммо улар танаффусга қадар кўп имкониятлардан фойдалана олишмади.

Иккинчи бўлимда эса "кўк-анорранглилар" устунликни ўз томонига оғдиришди. Захирадан майдонга тушган 21 ёшли Карлес Перес иккита имкониятдан оқилона фойдаланиб, ўз ҳисобига "дубл" ёзиб қўйди.

Ўртоқлик ўйини
Виссел Кобе Япония – Барселона Испания – 0:2 (0:0, 0:2)
Голлар: 0:1 – Карлес Перес (59), 0:2 – Карлес Перес (86).
Виссел Кобе: Маэкава, Фудзитани, Данклер, Мия, Хацусе, Ямагути, Сампер, Иньеста, Огава, Вилья, Гоке.
Барселона: Тер Стеген (Нето, 46), Семедо (Тодибо, 46), Ракитич (Карлес Перес, 46), Бускетс (Дембеле, 46), Пуч (Малком, 46), Рафинья (Аленья, 46), Лангле (Сержи Роберто, 46), Гризманн (де Йонг, 46), Альба (Мончу, 46), Кольядо (Умтити, 46), Араухо (Гильем, 46).