Душанбе шаҳрида Марказий Осиё футбол ассоциацияси (CAFA)га аъзо мамлакатларнинг ўсмирлар (U16) терма жамоалари ўртасида мусобақа давом этмоқда.

Азамат Абдураимов бошчилигидаги ўзбекистонлик ўсмирлар 2-турда Эрон ўсмирларига қарши баҳс олиб боришди. Афсуски, вакилларимиз бу учрашувни 1:2 ҳисобида бой беришди.

Эслатиб ўтамиз, дастлабки турда Ўзбекистон ўсмилар терма жамоаси Тожикистон билан дуранг ўйнаган эди. Шу тариқа, Абдураимов жамоаси мусобақа жадвалида 1 очко билан 4-ўринда бормоқда. Эрон 6 очко билан пешқадамлик қилаётган бўлса, Тожикистон ва Афғонистон ҳисобида 4тадан очко мавжуд.

2-турда қуйидаги натижалар қайд этилди:

Тожикистон – Қирғизистон - 2:0
Афғонистон – Туркманистон - 1:0
Ўзбекистон  – Эрон - 1:2

3-тур ўйинлари 29 июль, душанба куни бўлиб ўтади:

18:00 – Қирғизистон – Ўзбекистон. Гиссар, Марказий стадион
20:30 – Эрон – Афғонистон. Душанбе, Марказий стадион
18:00 – Тожикистон – Туркманистон. Душанбе, Марказий стадион