Тожикистон пойтахти Душанбе шаҳрида Марказий Осиё футбол ассоциацияси (CAFA)га аъзо мамлакатларнинг ўсмирлар терма жамоалари ўртасида мусобақа якунланди.

Азамат Абдураимов шогирдлари мусобақанинг сўнгги кунида туркманистонлик ўсмирларга қарши баҳс олиб бориб, йирик 4:0 ҳисобида ғалаба қозонишди. Натижада Ўзбекистон U16 терма жамоаси 5 ўйинда 10 очко жамғариб, мусобақада 2-ўринни эгаллади.

Турнир ғолиблиги мезбон — Тожикистон ўсмирлар терма жамоасига насиб этди. Тожикистонликлар сўнгги турда Афғонистон устидан ғалаба қозониб, ўз очколарини 13тага етказишди. Учинчи ўрин эса Эронга насиб этди. Улар 5-турда Қирғизистонни мағлуб этиб, 9 очкога эга бўлишди.

5-турда қайд этилган натижалар

Қирғизистон – Эрон - 0:5
Ўзбекистон – Туркманистон - 4:0
Тожикистон – Афғонистон - 1:0

Мусобақа жадвали:
1. Тожикистон — 13 очко
2. Ўзбекистон — 10 очко
3. Эрон — 9 очко
4. Афғонистон — 7 очко
5. Туркманистон — 3
6. Қирғизистон — 1 очко