Болгариянинг София шаҳрида спорт курашлари бўйича ўсмирлар ўртасидаги жаҳон чемпионати давом этмоқда. Ортда қолган навбатдаги кун беллашувлари терма жамоамиз учун муваффақиятли якунланди.
Қизлар ўртасида -65 килограмм вазн тоифасида курашган ҳамюртимиз Рушана Абдурасулова жаҳон чемпионатининг бронза медалига сазовор бўлди. Дастлаб Хорватия, Хитой Таипейи вакилларини мағлуб этган вакиламиз чорак финалда хитойлик Бинбин Циангга имкониятни бой бериб қўйди. Циангнинг финалгача етиб боргани Абдурасуловага бронза медали учун курашиш имкониятини тақдим этди. Рушана бу йўлда дастлаб Қозоғистон вакиласидан, бронза медали учун курашда эса италиялик Вероника Брашидан устун келди.
Ўтказилган баҳслар якуни бўйича Муштарий ҳамда Ситора Толипбековалар ва Лайлохон Собировада ҳам бронза медали учун курашиш имконияти сақлаб қолинган. Шунингдек, бугун юнон-рим кураши усталари баҳсларга киришади. Унда қуйидаги ёш полвонларимиз бугун гиламга чиқишади:
-48 кг: Қувончбкек Тошназаров – Торнике Шаинидзе (Грузия)
-55 кг: Аброр Атабаев – Адриан Антон (Руминия)