Ўзбекистон кубогида кутилмаган натижа қайд этилди. Тошкентнинг "Локомотив" клуби нимчорак финал босқичида "Сурхон"га ютқазиб қўйиб, мусобақани тарк этди.

Самвел Бабаян ушбу ўйинга жанговар таркибни танлади. "Темирйўлчилар" 7-дақиқадаёқ Сардор Мирзаевнинг голи эвазига ҳисобни очишди.

Воҳаликлар биринчи бўлимнинг ўзида ҳисобни тенглаштиришга муваффақ бўлишди. Азамат Исроилов гол муаллифига айланди.

Тенгма-тенг кечаётган ўйиннинг сўнгги дақиқаларида эса "Сурхон" ғалабани ўз томонига оғдиришга муваффақ бўлди. Ўйин тугашига 8 дақиқа қолганида Абдул Азиз Юсупов мезбонларни ҳисобда олдинга олиб чиқди.

Ўйинга қўшиб берилган дақиқларда эса "Локо" дарвозаси томон пенальти белгиланиб, Ислом Тўхтахўжаев майдондан четлатилди. Дарко Станоевич эса 11 метрли жарима зарбасидан фойдаланиб, "Сурхон"нинг ғалабасини таъминлади.

Шу тариқа, "Сурхон" Ўзбекистон кубоги чорак финалига йўл олди. "Локомотив" эса аввалроқ Лига кубогидан чиқиб кетган эди. Жамоа Суперлигада "Пахтакор" 11 очко ортда қолмоқда. Шу боис, Самвел Бабаян жамоаси ушбу мавсумни совринсиз якунлаши мумкин.

Ўзбекистон кубоги, нимчорак финал
"СУРХОН" - "ЛОКОМОТИВ" 3:1
Голлар:  Азамат Исроилов (39), Абдул Азиз Юсупов (82), Дарко Станоевич (90+2 пен) — Сардор Мирзаев (7)
Четлатиш: Ислом Тўхтахўжаев (90+1)
«Сурхон»: 22. Сардор Қобулжонов, 2.Абдуқаҳҳор Ҳожиакбаров, 5.Азамат Исроилов (Асрор Ғофуров 54), 6.Раҳматулло Бeрдимуродов, 13.Абдулазиз Юсупов, 14.Аброрбeк Исмоилов, 17.Элдор Бойматов, 19.Владимир Бубанья, 20.Ҳусниддин Ғофуров, 21.Аъзамжон Алиев, 44.Дарко Станоeвич
«Локомотив»: 35.Жавоҳир Илёсов, 5.Анзур Исмоилов, 6.Остон Ўрунов, 8.Жамшид Искандeров, 10.Сардор Мирзаев (Диёржон Туропов 83), 11.Тeмурхўжа Абдухолиқов (Смит Медина 62), 20.Ислом Тўхтахўжаев (С), 23.Йован Жокич, 24.Давронбeк Ҳошимов, 71.Арсланмурат Аманов, 88.Игор Йелич