«Атлетик» ҳужумчиси Иньяки Уильямс жамоа билан янги шартномага имзо чекди. Янги шартнома 9 йилга мўлжалланган бўлиб, унга кўра футболчи 2028 йилга қадар Бильбаода қолади.
Испаниялик футболчининг товон пули 135 миллион еврога кўтарилиб қўйилди.
Уильямс ёзда «Манчестер Юнайтед»га ўтиши мумкин эди. El Chiringuito тарқатган хабарга кўра, манкунианликлар ҳужумчи учун 88 миллион евро таклиф қилишди.
Уильямс Испания Ла лигасининг якунланган мавсумида 38та ўйинда майдонга тушиб, 13та гол урди ва 5та голга узатма берди. Уильямс Бильбаода туғилган бўлиб, 2015 йилдан бери басклар шарафини ҳимоя қилиб келади.