Бразилиялик ҳужумчи Неймар "ПСЖ"дан "Барселона"га қайтишга яқин турибди. Каталониянинг йирик RAC1 радиоси шундай хабар тарқатди.

Манбага кўра, музокаралар сезиларли даражада олдинга силжиган бўлсада, томонлар якуний қарорга келганлари йўқ. Бироқ, каталонияликлар Неймар исми туширилган футболкаларга буюртма берганлар. Бундан ташқари Неймар "Барса" мухлислари учун видео мурожаат ёзиб қўйган, у келишувдан сўнг оммага тақдим қилинади.

Аввалроқ, Неймарга Испаниянинг яна бир клуби - "Реал" қизиқаётгани, "Қироллик клуби" "ПСЖ" билан мухокара олиб бораётгани, футболчининг ўзи ҳам, парижликлар ҳам ёзги трансферлар ойнасин ёпилишига қадар хайрлашишни истаётгани ҳақида хабар қилинган эди.