Ўзбекистон кубогининг чорак финал ўйинлари бугун ўз якунига етди. Сўнгги иккита ярим финал иштирокчилар номи "Навбаҳор" – "Насаф" ва "Пахтакор" – "Сурхон" учрашувларида аниқланди.
"Навбаҳор" футболчилари ўз майдонида "Насаф" футболчиларига мағлуб бўлишди. Ўйинда ягона ғалаба тўпини Ҳумоюн Муртазоев 37-дақиқада киритиб жамоасини ярим финалга олиб чиқди.
Тошкентда "Пахтакор" клуби "Сурхон" футболчиларини қабул қилди ва Игорь Сергеевнинг дубли эвазига осонлик билан ғалабани расмийлаштирди.
"Навбаҳор" - "Насаф" 0:1
Гол: Ҳумоюн Муртазоев, 37 (0:1)
"Пахтакор" - "Сурхон"
Голлар: Игорь Сергеев 21 (1:0), 89 (2:0)
