"Ювентус" ҳужумчиси Криштиану Роналду Португалия терма жамоасида яна қанча вақт тўп суришини айтди.

"Терма жамоа эшигини ёпмайман. Мотивация ва куч бор экан, жамоа доим ихтиёрига бораман.

Чақиришни истамай қўйсаларгина терма жамоадан кетаман (кулади).

Қатардаги жаҳон чемпионати? Буни ёдимдан чиқарганим йўқ (Роналду бу вақтда 37 ёшда бўлади). Бу вақтда ҳам терма жамоадан узоқда бўлмайман, деб ўйлайман.

Португалияга баъзан келиб тураман, айниқса, Лиссабон ва Мадейрага. Бу мен яшашни истаган юрт. Бир неча йилдан сўнг оилам билан бу мамлакатда яшашга умид қиламан", - дейди Роналду.