Coca Cola Суперлиганинг 18-тури доирасида 26 август (душанба) куни бўлиб ўтадиган пойтахт дербиси – «Бунёдкор» ва «Локомотив» жамоалари ўртасидаги беллашувни «Бунёдкор» стадиони қабул қилади. Учрашув соат 19:15да бошланади.
Шу тариқа, «қалдирғочлар», ниҳоят, ўз уй стадионларига қайтишмоқда. «Бунёдкор» ўз стадионида сўнги марта 2018 йилнинг 24 ноябрь куни майдонга чиққанди. Ўша куни тошкентликлар Бекободнинг «Металлург» клубини 1:0 ҳисобида мағлуб этгандилар.
«Бунёдкор» футбол клуби барча футбол ихлосмандларини 26 август куни чими янгиланган «Бунёдкор» стадионида ўтадиган қизғин пойтахт дербисига чорлаб қолади!
«Бунёдкор» МУХЛИСЛАР УЧУН ўйнайди!
