«Бавария» клуби ҳужумчи Роберт Левандовски билан шартномани узайтирганини эълон қилди.
Янги шартнома 2023 йилга қадар амалда бўлади. 31 ёшли футболчининг аввалги шартномаси 2021 йилнинг 30 июнига қадар тузилган эди.
Левандовски 2014 йилдан бери «Бавария» шарафини ҳимоя қилиб келмоқда. Ўтган мавсумда у 47та ўйинда майдонга тушиб, 40та гол урди ва 13та голга узатма берди. Польшалик футболчи Бундеслиганинг ушбу мавсумида иккита ўйинда 5та гол уришга муваффақ бўлди.