«Ювентус» ҳужумчиси Криштиану Роналду Европа чемпионлар лигаси гуруҳ босқичига қуръа ташлаш маросимида «Барселона» сардори Лионель Месси билан ўртасидаги рақобат борасида фикр билдириб ўтди.
— Италияда муҳим мавсумни ўтказдим. Мен учун қизиқарли бўлди. Ахир 15 йилдан бери Месси иккаламиз саҳнадан тушмай келяпмиз. Бундай тарих яна такрорланадими ёки йўқми, ҳеч ким билмайди.
Муносабатларимиз аъло даражада. Шу пайтгача бирга тушлик қилмаган эдик. Умид қиламан, келажакда бундай воқеа юз беради.
— Ҳозир иккалангиз ҳам Монакосиз (зал кулади).
— Испанияни соғинаман. Месси билан рақобатимиз 15 йилдан бери давом этмоқда. У менга куч беради, мен эса — унга.