Испания миллий жамоаси ва «Барселона» собиқ бош мураббийи Луис Энрике 29 август тунда қизи Хана вафот этгани ҳақида хабар қилди.

9 ёшли қиз сўнгги 5 ой давомида суяк саратонига қарши курашди.

«Бизнинг қизимиз Хана бугун 9 ёшида суяк саратони билан 5 ойлик курашдан сўнг вафот этди. Ушбу ойлар давомида муҳаббатини намоён қилган ва бизни тушунган барчадан миннатдормиз.

Сан-Хуан-де-Деу ва Сан-Пау  касалхонаси ходимларига садоқати ва ғамхўрлиги учун миннатдорчилик билдирамиз. Шифокорлар, ҳамширалар ва барча кўнгиллиларга раҳмат.

Хана, биз сени соғинамиз, ҳаётимизнинг ҳар куни сени эслаймиз ва яна учрашамиз деган умиддамиз. Сен оиламизнинг йўлчи юлдузисан. 

Тинч ором ол, Ханита. Сенинг оиланг», –деб ёзади Луис Энрике ўз «твиттер»ида.